لشو الحكي؟
الل علينا قمر
خلّي النظر للنظر
يشرح هواه ويشتكي
لشو الحكي؟
عند التلاقي سوا
أهل الغوى عالهوى
يتفاهموا من غير حكي
بيني وبينك يا حلو
شو صار في حكايات
ما في كلام يساع
منقولها لفتات
لشو الحكي؟
عند التلاقي سوا
أهل الغوى عالهوى
يتفاهموا من غير حكي
كنا نراسِل بالوَما
ونقول الشَرح يطول
ولما اجتمعنا لحالنا
نسِينا شو بَدنا نقول
لشو الحكي؟
خلّي النظر للنظر
يشرح هواه ويشتكي
لشو الحكي؟
حاجي تعاتبني
يئست من العتاب
ومِن كِتْر ما حمّلتني
هـ القلب داب
حاجي تعاتبني
وإذا بدّك تروح
روح وأنا قلبي
تعوّد عالعذاب
عَلّمت قلبي من الطفولي ع هواك
وما تعلّمِتْ هـ العين مرّة إلا ع حِماك
الله بيشهد ما ضحكت مرّة لسواك
وليش بتضلّك تفتحلي بواب؟
عايشه بعيده عن ليالي الصفا
عِيشِة جفا وبحكي مع الناس بجفا
يا هل تَرى مش هيك بيكون الوفا
وكيف بيكون الوفا اعطيني جواب؟
إن كان غِيرة هـ الجِدال وهـ السكوت
أضنيتِني، يكفي بقا، يرحم أبوك
وإن كان غير أحباب عم يعلّموك
الله يبارك لك يا وِلْفي بهالحباب
كلّ ما عمّ زيد بحبّك ولوع
كلّ ما بتزيد بعينيّ الدموع
ويا ليت عن حبك المضني لي رجوع
رح تُهرُب الأيام ويمرّ الشباب
ووين بتلاقي متل قلبي قلوب
شو صار صافي لك وغافر لك ذنوب
وقديش عن حبك قلت بكرا بتوب
ما تِبت يا ولفي ولا هالقلب تاب
راجعين يا هوى راجعين
يا زهرة المساكين
راجعين يا هوى
على دار الهوى
على نار الهوى
راجعين
مغرور يا هوى يا هوى مغرور
يا حبيبي يا وردة على سور
نحن العاشقين على طول عاشقين
وإنتو بليالينا عايشين
مِن ودّع زمان مِنروح لزمان
ينسانا على أرض النسيان
منقول رايحين منصير راجعين
على دار الحب ومش عارفين
راجعين يا هوى راجعين
طلع القمر غِفي حبيبي
غاب القمر وِعِي حبيبي
حِلْيِت ليالي السهر
يالله يغيب القمر
نحنا قصدنا الهوى
وانكتبنا ع دموعه
شقينا وسهرنا سوا
راح ونطرنا رجوعه
كنا سوا نلتقي
وما عاد سوا نلتقي
وضاع الهوى وما بقي
إلا القصص والصور
بـآخر طريق المسا
في شجرة ليلكيّي
يا عمر ما بينتسى
ضلّك فايق عليّ
يبقى لنا وشو لنا
غير التعب شو لنا
غصن المحبه انحنى
وتغاوى لون الشجر
حِليت ليالي السهر
يالله يغيب القمر
يا ريت إنت وأنا بالبيت
شي بيت ابعد بيت
ممحي ورا حدود العتم والريح
والثلج نازل بالدني تجريح
يضيّع طريقك ماتعود تفلّ
وتضلّ حدّي تضلّ
يزهر ويدبل ألف موسم فلّ
وتضلّ
ما يضل بالقنديل نقطة زيت
ياريت
بيقولوا الحب بيقتل الوقت
وبيقولوا الوقت بيقتل الحب
يا حبيبي تعا تنروح قبل الوقت وقبل الحب
بِديت القصة تحت الشتي
بأول شتي حبّوا بعضن
وخلصت القصة بتاني شتي
تحت الشتي تركوا بعضن
حَبّوا بعضن تركوا بعضن
يا حبيبي شو نفع البكي
شو إلو معنى بعد الحكي
ما زالا قصص كبيري
وليالي سهر وغيري
بتخلص بكلمي زغيري
حَبّوا بعضن تركوا بعضن
وكانت القصة تحت الشتي
بأول شتي حبّوا بعضن
وخلصت القصة بتاني شتي
تحت الشتي تركوا بعضن
حَبّوا بعضن تركوا بعضن
ما في حدا لا تندهي ما في حدا
عتم وطريق و طير طاير ع الهدا
بابهن مسكّر والعشب غطّى الدراج
شو قولكن صاروا صدى؟
ما في حدا
مع مين بدّك ترجعي بعتم الطريق
لا شاعلة نارهم و لا عندك رفيق
يا ريت ضوّينا القنديل العتيق
بالقنطرة
يمكن حدا
كان اهتدى
وما في حدا
يا قلب، آخرتا معك تعّبتني
شو باك دخلك هيك و شو بني
ياريتني شجرة على مطلّ الدني
وجيرانها غير السما وغير المدى
ما في حدا
أنا عندي حنين ما بعرف لمين
ليللي بيخطفني من بين السرهانين
بيصير يمشّيني لِبعيد يودّيني
ت أعرف لمين وما بَعرف لمين
عدّيت الأسامي ومْحِيت الأسامي
ونامي يا عينيّ نامي إذا راح فيكي تنامي
وبعد هالحنين من خلف الحنين
ت أعرف لمين وما بعرف لمين
أنا خوفي يا حبّي تكون بعدك حبّي
ومتهيأ لي نْسِيتك وإنت مخبّا بقلبي
وبتودّي الحنين ليليي الحنين
يِشْلحني بالمنفى بعيونك الحلوين
ت أعرف لمين وما بعرف لمين
لا إنت حبيبي
ولا ربينا سوا
قصّتنا الغريبي
شَلّعها الهوا
وصرت عنك غريبي
إنساني يا حبيبي
مبارح التقينا قعدنا ع حجر
برد وحوالينا عِريان الشجر
خزّقنا الصور ومحينا القمر
ردّيت له مكاتيبه وردّ لي مكاتيبي
كل مين طوى شراعه وراح بها المدى
وَلَدَين وضاعوا ع جسر الصدى
تفارقنا بهدا والدني هدا
بخاطرك، صللي لي
تـِسْـَعـد، يا حبيبي
قديش كان في ناس
ع المفْرق تنطُر ناس
وتشتي الدني ويحملوا شمسية
وأنا بإيام الصحو ما حدا نطرني
صار لي شي ميّة سني مشلوح بهالدكّان
ضِجْرتْ مني الحيطان
ومِستحيي تقول
وأنا عيني عالحلا والحلا ع الطرقان
غنّي له غنّيات وهو بحالو مشغول
نطرت مواعيد الارض وما حدا نطرني
ببقولوا الحُب بيقتل الوقت وبتقولوا الوقت بيقتل الحب
يا حبيبي تعا لنروح قبل الوقت وقبل الحب
بِدْيِِت القصّة تحت الشتي
بأول شتي حَبّوا بعضن
وخِلْصت القصة تحت الشتي
تحت الشتي تركوا بعضن
حَبّوا بعضن تركوا بعضن
يا حبيبي شو نفع البكي؟
شو إلو معنى بعد الحكي؟
ما زال قصص كبيري
وليالي سهر وغيري
بتخلص بكلمة زغيري
حبّوا بعضن تركوا بعضن
انت وانا يا ما نبقى نوقف على حدود السهل
وعلى خط السما الزرقا مرسومي طريق النحل
انا ومتكّية ع بابي مرقِتْ نحلة بكّير
غلّت بزهور الغابي وصارت تعمل مشاوير
وتعنّ العنين حزين ومش حزين
بسكوت الضهرية مكسّر الحنين
إذا راح تهجرني، حبيبي
وراح تنساني حبيبي
ضلّ تذكرني وتذكّر طريق النحل
طريق النحل الطاير فوق الضوّ المكسور
بيصير يُرسم دوالي يكتب ع الهوا سطور
من فوق القصور أعلى من القصور
أعلى من القبب العالي عم يكتب سطور
دبنا وما تبنا ولا من الهوى تعبنا
بعدا منازلنا ملفى حبايبنا
دبنا وما تبنا والهجر تعّبنا
وبعدا رياح الحب عم بتسوق مركبنا
مِن غير حبك شو الـغِـنـيّـات
شو الليل شو الوادي شو الأشعار؟
مِن غير حبك ما لِنا ساعات
غَضّة غنيّة بأجمل التذكار
دبنا و ما تبنا وصوب الضّنا قربنا
تفنى الدني ما دام بعده الحلو حاببنا
إضافة تعليق جديد
تهمّنا آراؤكم ونريدها أن تُغني موقعنا، لكن نطلب من القراء أن لا يتضمن التعليق قدحاً أو ذمّاً أو تشهيراً أو تجريحاً أو شتائم، وأن لا يحتوي على أية إشارات عنصرية أو طائفية أو مذهبية.