العدد ١٢ صيف / خريف ٢٠١٥

نحن والزبل جيران

النسخة الورقية

أغنية كتبها الراس مع مغني راب لبناني هو بوناصر الطفار عن أزمة النفايات الأخيرة 

 

خنقوك جوّعوك غرّبوك، قــــــــــــــــــــــــوم

تفّهوك ضربوك حبسوك، قـــــــــــــــــوم

همّشوكي سعّروكي ربّطوكي، قـــــــــومي

ضريبة دم هيدي مش ضريبة للحكومة.

هوّي الصيت للخندق بس الفعل للي فوق واللي فوق أمروك إنك تهرب من حدود وتلاحقنا ببيروت تكون عبد و مأمور

عبد و مأمور عأنفاسك ما بتمون يمكن يأمروك تقتل خوك يقبضوا ملايين ويسرقوا ملايين بنت النايب بدا حبوب

إبن الظابط هيرويين و الحيط عالحيط

فوق في نجوم غرقانة بالوسخ و تحت في عقول مقفلة بمعاش

بدلتك و رتبتك و سلاحك o مو الك، 
طيب قلي يبن عمي هاي روحك مو الك؟ عيد مين بدا تروح؟
اللي بيترقى عدمك و بحياتو مو مجروح؟

حامي الوطن مسعور لصهيون حطّوه ناطور بسوليدير 
حامل أخمس عامل أخمَس طابور نفّذ ثمّ اعترض

عمالة ما بتصيب الجيش الا بأعلى الرتب 
ما الخبرة هيي السبب و انت قناني عم تنضرب

كل ما زادوا النجوم يبن عمي زاد الطمع 
كل ما ينقتل زحاف بدلة ظابط صارت ألمع

مين قدامك مين وراك؟ 
المشنوق من الفقر أو مخنوق من خراه؟

المفلوق من طاووق أو تسميم صدور عراة؟

طائفي بمولوتوف يا إما ثائر سلمي؟

غاز مسيل دموع، بشوطا أو بعطيها «حل علمي» ؟

خنقوك جوّعوك غرّبوك، قــــــــــــــــــــــــوم

تفّهوك ضربوك حبسوك، قـــــــــــــــــوم

همّشوكي سعّروكي ربّطوكي، قـــــــــومي

ضريبة دم هاي مش ضريبة للحكومة.

عروف مع مين عم تحكي

سيكارك بدنا ندخنه بيضل صوتك واطي 
قد ما تتخنه نشاز اد ما تلحنه راسي بارد 
قد ما تورمه تسخنه منعمل فحص البول بس هني اللي تحتن شخّوا

بصلتي مش محروقة فبيصير الغاز صديقي

طرابلسي بالساحة قصير مش أسير أنا مش متنكّر
أنا مش متل تحريتك ساعتك تك تك تكّت تك تك تكّت 
بينت معادنن لمّا دروعن انحكّت و ركابنا ما سكّت ما رح تقدر تسكّت

مبسوطين مكيفين بالمي مبوردين 
كونو عنّا مقطوعين من المي من الضو ولو

ما في ريحة بسوليدير ما في زبالة بسوليدير 
هيي الزبالة سوليدير هيي زبالة سوليدير

و العمامة مش لالله اذا حبلا بإيد الغير اللي حرر الأراضي 
عم يستعبد البشر و اللي صب ابريق الشاي نزل فينا بالعصاي لما انحشر فشر سنة شو و شيعة مين مان؟ 
اللي وحد الاله ما بيقسم الانسان

لا سعودية و لا ايران نحنا و الزبل جيران

لا عونية و لا قوات نحنا المسيح عالخشب عم بنفيق الأموات نحن البيت و اهل البيت نحنا النار و صبّو الزيت 
عن الطائفة انشقّيت عن الطايفة انشقّيت

العدد ١٢ صيف / خريف ٢٠١٥

إضافة تعليق جديد

تهمّنا آراؤكم ونريدها أن تُغني موقعنا، لكن نطلب من القراء أن لا يتضمن التعليق قدحاً أو ذمّاً أو تشهيراً أو تجريحاً أو شتائم، وأن لا يحتوي على أية إشارات عنصرية أو طائفية أو مذهبية.